hitzak:
su grekoan, su izkutuan, kixkali ginen, erraustu ginen.
herri baten itsasbehera
bizitza urrundu zen
egia urrundu zen
gorrotoa ta heriotza
ailatu ziren,
aliatu ziren.
herri baten itsasgora.
bizitza estali zen,
egia estali zen.
historia harresiak
eraiki ziren,
ausartu ziren.
harria.
herri baten itsabehera
historia harresiak
eraiki ziren,
ausartu ziren.
su grekoan, su izkutuan, kixkali ginen, erraustu ginen.
credits
released June 14, 2023
"Segurtasun Eza" (Bonberenea Ekintzak) diskaren aurrerapen abestia, bilduma 2023ko urrian argitaratuko da
2023 hasieran Bonberenean grabatua eta nahastua Karlos Osinagaren gidaritzapean.
Masterizazioa: Jonan Ordorika
Azaleko argazkia: Arkaitz Artola Arnaiz
--------
ARGAZKI. Ustezko segurtasuna da, harrapatu orduko alde egin duen unea. Ehizaki iheskorra. Argazki bilduma batekin aldera daiteke album honek biltzen duen musika, baso zingiratsuak gordetzen duen poetika. Post-rock eremu zabaletan dabiltza doinuok, askotariko giro, gordeleku eta zirrikituetan barrena. 2005ean abiatu zen egitasmoa: hasieran argazki argitsu eta akustikoak zirenak (DIY moduan plazaratuak), ontze prozesuan ilundu eta distortsionatu dira, album honetan sartu eta argitara ateratzeko unea heldu zaien arte.
BAT. Anizkoitza da, bere bakartasunean, egitasmo honen sorburua: Arkaitz Artola Arnaiz. Behinola Adikune taldean aritua, hura da proiektu honetako hari gidaria; kantugilea, hitzen idazlea eta kantaria. Haren eskuek jotzen dituzte, halaber, baxu eta gitarra riff segida errepikariak. Doinu atmosferikoak dira, hitzekin edo hitzik gabe, giro aldakorrak garatzen dituztenak. Bilatzaile asegaitzaren antzera, aurkitu duen horren bila segitzen du Artolak. Bide luzean, zenbait bidaide batu zaizkio: Zuriñe Sarasola teklatuetan, besteak beste. 2022an, Iker Vazquez (Blaka, Pelax) eta bere bateriaren laguntzaz, hainbat urtez ondutako doinuen ertzak borobildu zituzten.
BEHELAINOAN. Zer ezkutatzen duen ez du ikusten uzten laino itsuak, behe lainoak. Orduan has daiteke entzulea bere ezkutukoa aditzen. 2023ko martxotik apirilera, Karlos Osinagaren gidaritzapean, Bonberenean grabatu eta nahastu da estudioko lehen lan luzea: Segurtasun eza. Masterizazioa Jonan Ordorikak egin du, eta Bonberenea Ekintzak-en eskutik aterako da argitara urriaren 5ean. Garatzen, errebelatzen ari den antzinako argazkiaren gisara, norberak elikatu beharreko zuriune harraparia da irudi bizi hau: Argazki Bat Behelainoan.
This imaginative release from Monty Cime blends Latin folk music and experimental noise for a sense of surreal nostalgia. Bandcamp New & Notable Aug 30, 2023
Strange and angsty alternative rock from Los Angeles that hovers between haunting and pretty and sharp and driving. Bandcamp New & Notable Jul 27, 2023
The latest Djunah LP channels the duo's heavy, intensely cathartic sound to reflect on living with and healing from trauma. Bandcamp New & Notable Mar 14, 2023
From L.A. comes the latest from post-rock outfit bondo, with tendrils of spindly guitar snaking through arid percussion. Bandcamp New & Notable Mar 4, 2023